تويت
.
..
.
[poem=font=",6,black,bold,normal" bkcolor="sandybrown" bkimage="" border="none,4," type=2 line=1 align=center use=ex num="0,black""]
يا راعي (النيسان) حيثك فكوكا=انزح وراك وتالي العلم جاكا
لو شفتك ب شارع هذولا تدوكا=لا اكصّمك واكصّم اللي معاكا
واجعل حياتك ي الهليبه ضنوكا=إلين تمشي ب الشوارع تباكا
ولا تحتزم في شلة ٍ يخدعوكا=ترهم خكاري ما يجون بهواكا
فارق و لو تُذكر بهذا رأوكا=لا اسفّرك واقلع مداك و ضواكا
إفهم كلامي ي البعير البروكا=اركب لك جحيشه ويظهر حلاكا
ترى البنات إذا عليها تلوكا=يعطونك ارقام الهواتف فداكا
ومرور ساهر انتبه لا يجوكا=لا شافك الشرطي قسيمه عطاكا
وابعد عن الشاصي لياقبل يدوكا=متبختر ٍ رافع جنابه و جاكا
ي الجيب تستاهل إذا يمدحوكا=يستاهلك ي الشاص منهو شراكا
أهل الفيافي و النفود اشتروكا=يا وارد اليابان سدَّد خطاكا
لو تقطع البيداء ل شاطي تبوكا=انا اشهد إنك قدها ما سواكا
أنا أشهد إنك قدها لعن ابوكا=أنا اشهد إنك قدها في علاكا
بطعوس نفد ٍ شلة ٍ ورشعوكا=ولا يهمك لو سريت الهلاكا
يا وارد (النيسان) مهما عطوكا=لا تعتبر نفسك طويل ٍ مداكا
لو تجتمع كل المواتر معوكا=أكيد مهزوم ٍ بليا شكاكا
يالجيب سموك المواتر سنوكا=ياعل من سمّاك يصبح فداكا
حيثك زعيم ٍ من سلالة ملوكا=فرضت طيبك واستذلّت عداكا
والاّ الحمار و صاحبه مايبوكا=يا شبه ميراج ٍ تعلى سماكا
[/poem]
وسلامتcom
:af:
تعليق