تويت
في ناس
في ناس عمبيتاجروا بسم الدني
عميجمعوا الاموال هيك من الهوى
وفي ناس عميتألموا جوع وقهر
ما في معاهن يشتروا حبة دوا
وفي ناس من هم الفقير بيسخروا
وبيفكروا بالمال كبروا مستوى
وفي ناس ما معهن ثمن كسرة خبز
عندن كرامة وعزمهن ما بيلتوى
وفي ناس اخوة بعهد الله تقاتلوا
حفنة مصاري فرقتهن عن سوا
وفي ناس عميتسابقوا عالمرجلة
اصل وكرامة وعدل فوق المستوى
وفي ناس باعوا بالمصاري حالهن
باعوا الكرامة والقلب مات وذوى
وفي ناس من كثر المصاري تنفخوا
عاشوا على طق الحكي واكل الهوى
وفي ناس من بيع السموم تنمردوا
عاشوا حياتن كلها رقص وغوا
وفي ناس ما بتغيروا طول العمر
حتى اذا عاشوا على جمر النوى
وفي ناس بيناموا على فراش الحرير
وكل عيشتهم سكر لحم وشوا
وفي ناس لو خسروا حياتن كلها
بيضل درب الحب يجمعهم سوا
وفي ناس بيناموا على شراش وحصير
وعمرهن ما جربوا شم الهوى
وفي ناس عاشوا يجمعوا بامالهم
تيسهروا باحضان ستات الهوى
تعليق