نصوص يتيمة

[عبد الله العتيبي]

رد: نصوص يتيمة

[align=right]حلم الليالي تبدد من جفاف السنين
وركام قصر الأماني فوق بيبانه
طاحت من يدين حزني تمتمات الحنين
اللي قضيت العمر كله على شانه
كانت بجوف المساء من فرحتي نجمتين
غابت وانا في دجاء ليلي وحرمانه
خيط الأمل كان في روحي من اول متين
ومن ذقت كأس الهوى فليت خيطانه
وأمسيت ألملم بقايا الصبر ياعارفين !
وش يأخذ الصبر وش يعطي لخلانه[/align]

[عبد الله العتيبي]

رد: نصوص يتيمة

من يطيح من الوفاء خله يطيح
الزمن مربى القلوب الطايحه
لا تحسف لو بعض قلبك جريح
الليالي علاج دنيا رايحه
خل نهر البال في الحاضر يسيح
كم قلوبٍ به جروح وسايحه

[رياح الوفا]

رد: نصوص يتيمة

ياهي يا اللي بالبقاله تمشين /لوا هنيك شفتي اللي نوده

ياليتني وياك يومك تفرين / وامسك بثوب صويحبي ثم اشده

وان شافني بيقول حييتي اهلين/ وانا من الفرحه سلامه برده

وبه شطر من شعري ذكرته له اسنين / ( الشوق ظالم لعن ابو جد جده)

[عبد الله العتيبي]

رد: نصوص يتيمة

جيتك وانا مهزوم من فعل الأيام
ورجعت فوق هموم قلبي همومك
ليت الذي ودتك يازين الاوهام
ولاطفت في واقع الضيء نجومك
رقيت ياما بعدك لرجم الأحلام
اللي جمعنا يومي اول ويومك
ولا لقيت إلا طباشير وأقلام
تكسّرت ولا بقى إلا رسومك

[عبد الله العتيبي]

رد: نصوص يتيمة

قل للدروب اللي تجيبك توديك
الخاطر اللي تذكره طاب وارتاح
ماعاد يمديك العذر كيف يمديك!!
وانت غرست بداخلي سيف ورماح
الطالب اللي كان من تحت اياديك
دكتور صار بعالم الحب جراح
من كثر ماذاق الفشل من تماديك
نجح اخيراً والبقى لك بالأفراح
لو ماتبدلّت الغدر في مباديك
وعلى حسابي ماتحرّيت الأرباح
ان كان تلقاني ولازلت انا افديك
وعين الغلا ترخص لجل عينه ارواح

[عبد الله العتيبي]

رد: نصوص يتيمة

الغروب اللي يجر الشمس لحضان المغيب
حزن مجدولٍ وعاري والآماني من سراب
كان ميلاده زهور وبسمتين ورش طيب
أنسكب من فوق متني على صدر الغياب
ماحويت البعد لكن حواني من قريب
كنت له أشهى من الكف بعيون الخضاب
الغلا ما يمنع الناس من فرقى الحبيب
بس لا صار المفارق مصير الإقتراب
والسماء لو جرح بعده على روحي عطيب
ماحدٍ قبلي وصل في طموحه للسحاب.؟!!

[عبد الله العتيبي]

رد: نصوص يتيمة

على جنح الأمآني طار فيني قرين الروح
لقيت إلك في صفحة سماء الشوق نجمة

وحمامة كسيره ديم دمعة غدى مسفوح
على أرض الأمل كفّن قسى واقعه حلمه

يطيح الشقاء بالصدر تنبت حروف البوح
على جال جرح البعد واختزله بكلمة

أنين المواجع في سكون الليالي نوح
تردد صداه طيور ما عينت علمه

وانا في متاهات الألم والخطاوي جروح
سراب الزمان اللي رسم للأمل سلمى

ميلاد ماضي في حضن حاضري مطروح
و في ردهت الذكرى تعب يتبع الظلمى

واذا بان فجري اشر الأهم يعني روح
وأقبل سواد اكلح من الظيم بفم الماء

[رياح الوفا]

رد: نصوص يتيمة

ماني بمحرومة ن من عز ولا دلال/ واللي اريده اليا اشرت حتماً يصير

ولا اخضع بدنيتي الا لرب الجلال / الواحد اللي لعبدة هو سميعن بصير

والكذب والغدر ماله في حياتي مجال/ اخاف ربي ومن خلقه فا فيه استجير

وما امشي بدرب الرديه او دروب الظلال/ انام ليلي بذكر الله وراحة ضمير

[عبد الله العتيبي]

رد: نصوص يتيمة

ماني بمحرومة ن من عز ولا دلال/ واللي اريده اليا اشرت حتماً يصير

ولا اخضع بدنيتي الا لرب الجلال / الواحد اللي لعبدة هو سميعن بصير

والكذب والغدر ماله في حياتي مجال/ اخاف ربي ومن خلقه فا فيه استجير

وما امشي بدرب الرديه او دروب الظلال/ انام ليلي بذكر الله وراحة ضمير

روووعه رياح كالعادة صح لسانك

[رياح الوفا]

رد: نصوص يتيمة

روووعه رياح كالعادة صح لسانك

صح بدنك شاعرنا عبدالله العتيبي

والروعة بحضورك الكريم

لك شكري

[عبد الله العتيبي]

رد: نصوص يتيمة

مليت روح معذب الحب >>هجراً
ورقصت في حفل التجافي وغنّيت
الحب خلّص وألتهى القلب >عذراً
راجع ضمير الوقت بكرا اذا >جيت

[عبد الله العتيبي]

رد: نصوص يتيمة

بنج المشاعر والاحاسيس كلمه
يقولها الغالي وهو شبه مخمور
انت صديقي لكن الحب حلمه
اكبر من بحور الصداقات ببحور!!!

[عبد الله العتيبي]

رد: نصوص يتيمة

بعدين لا مرك زمانك تذكرت
اني ولا مثلي مع الناس واحد
انا الوفا والحب لو لي تنكرت
حتى الغياب يردني للتواجد

[عبد الله العتيبي]

رد: نصوص يتيمة

يسكنّي الليل واخطف منه لحظاتي
شيءٍ عبوسٍ وشيءٍ وقتها فاضي
كأن الدقايق تحسب احيان وقفاتي
على اطلالٍ تلاشت والعمر ماضي

[عبد الله العتيبي]

رد: نصوص يتيمة

ذكرياتي في تفاصيله شجن
تعزف الحانه لقطرات الندى
كل ما سلم عيوني للوسن
صورتك تظهر بعيني ياهدى