نصوص يتيمة

[عبد الله العتيبي]

رد: نصوص يتيمة

صباحك ياعيون الهم اشوفه مفتقد شمسه
صحيح الشمس بانت لكن الأحلام كذابه !!
يغطي رغبتك غيم الألم واجواء منعمسه
وانا في عز حري قلت هذا البرد وش جابه!!

[عبد الله العتيبي]

رد: نصوص يتيمة

سألت الأيام وقالت لي انا مدري!!
اسأل عن الغايب الأشواق والذكرى
حنين حاضر وروحه غابت بصدري
كل الصور عن حكايا الليل والقمرا!!
نجم الأماني افل عن دنيتي بدري!!
والحزن أمسى بعيني كأنه الشعرى

[صهيل الأصيله]

رد: نصوص يتيمة

ماعاش من يزعلك يا سيد الرجال /يا تاج راسي ياحياتي ياهناي

لاتؤاخذ اللي عارف فيها الهبال /اسمح وسامحني على لحظة خطاي

[عبد الله العتيبي]

رد: نصوص يتيمة

حفنة ألم مع غرستين أنتظاري
يسقي عروقه من دموع الزمن ملح
وأسكت وانا والله ماهو قراري
لكن بعض الحكي ما يجلب الصلح
من غاب وجه الغيم روحي صحاري
هشيم نبتي والخضر عاري الطلح
يبست عروقي من جفاف الخباري
كثر العطش خلّص على نياقي الملح

[عبد الله العتيبي]

رد: نصوص يتيمة

يامدمن فراقي ترى وصلي آفيون
جرب تذوقه (شرط) له طعم ثاني

خلك معي دائن وانا اصير مديون
وأفرش لك الدنيا زهر يا أناني.؟!

[عبد الله العتيبي]

رد: نصوص يتيمة

ماهمني هرج العفِن لحظة احصار
على قدر حشري له يدق بوري

من رام جرحي يقصد الجرح تذكار
(يبطي عظم ولا يحرك شعوري)

انا ، انا ، نعم انا سُحب وأمطار
في جرهد الحقران تثمر زهوري

وأنبت كرم لأهل الكرم سر وجهار
والسرمدي ندعس علابيه فوري

ويسيل وادي عزتي مثل الأنهار
وارفع عن اوراق المذله سطوري

اما كتبني حاضري جزل الأشعار
ولا عن الجزلات يكفي حضوري

[عبد الله العتيبي]

رد: نصوص يتيمة

الشعر متنفسي لاضقت اهذري به
وانظم قوافيه والحبكة على كيفي

شاعر ولي بصمتي وبيوتي ادريبه
انه مثل نهر جاري بردي وصيفي

ماهو ضروري صدق شعري وتكذيبه
وما كل حرفن بذوره ينبت بريفي.؟!!

[رياح الوفا]

رد: نصوص يتيمة

من لا يقدر بالغرام اشتياقي / خله يروح وارض ربي وسيعه

وش با قي ن بعد الجفا ويش باقي / دام المحبه تنتهي بالقطيعه

لاتذكره ياقلب بعد الفراقي / من بـــاع حبك لازم انـــك تبيـــعه

باكر يحس بلوعتي وحتراقي / يندم ودورات الليالي سريعه

[عبد الله العتيبي]

رد: نصوص يتيمة

إن كانـهـا عـناد جـيت عـنـاد ياروحـي
وإن كانـها بالـعـبـاطه جـيـت مستعبط

تـصـد تـــبـعــد تـراوغ تـرجــع تروحـي
تاقــف تـحـاول تـلـكّـك لـيه مـتـلـخـبـط

اثـبـت على بر. خـل الـبـحر لـجـروحي
إمـا تــغـادر او إنــك تــجـزم وتـــقـلــط

[عبد الله العتيبي]

رد: نصوص يتيمة

قالت تـعال وقلت بالـحـيـل بردان
لكـن حـضـن مـزنة ولا حب ثاني

أنتي سراب وعانقه قلب ظـمـيان
في وقت كنت بحاجـتك للحناني

[عبد الله العتيبي]

رد: نصوص يتيمة

يقولون في الأمثال حكمة مـن الأول!!
مـــن يرفـع ثيابه عـن الـشوك يرفاه

وانا رفـعت الـثـوب يـوم الـزمـن طـوّل
ومـر السفا مـن عـنـد رجـلي ولاجاه

طـبـعـي كـذا وان قلـت أباحـوّل أحوّل
الـنـفـس نـفـسي والخطايا خطاياه

[رياح الوفا]

رد: نصوص يتيمة

الله عن درب الجفا بس يهديك / والله قادر ب يبلاك بغلاي

مثل ماقلبي طايح ن مابين يديك/ ياعل قلبك ما يطيح الا معاي

ابك انت ما تدري بأني بفتديك/ العمر كله له وما تملك يداي

الله يشهد يا مناي اني ابيك / فرقاك دائي وان حصل قربك دواي

[عبد الله العتيبي]

رد: نصوص يتيمة

ياكـثـر شـوقي لـك وياحـظ ليلـك
ياليـتـني قـطـعـة ظـلامٍ تـغـشّاك

اذا لـقـاني صـبـحك أزبن جـبـينك
وأغـيـب في عالم جبينك ودنـياك

حتى جـفافي يرتـوي من حـنـينك
ويباس عمري ينتهي من شفاياك

أطيح من عينك على رمش عينك
وارجـع وترفـعـني لـعينك سجاياك

أمـزج رحيـق الحـب بـيـني وبيـنك
وأشـربك وأثمل وأتذكـرك وأنـساك

[عبد الله العتيبي]

رد: نصوص يتيمة

دعيت الحاضر بصفحة وجود الماضي اللي فات
وخـطـف لـون الـغـيـاب الـبـارحة من حفلة الوانه

سـقـط مـن راس مـتـنـه غِر طفلٍ ضيـع الهقوات
تـحـيـزم في ردى ربـعـه وجـنـب فـزعـة أخـوانه

خـريـر مـن الـشـقـاء همّه وصـوته يروي الآهـات
ويـطـلـق مـن أنـيـن الـدرب للـزفـرات سـيـقـانه

غـرس فيه الألم بذره ضرب جذر الوجع بسكات
وعلى ذكـر الـسـوالـف راح يـنـقـل هـنّـة أحـزانه

يـتـيـم الـحـظ مـيـلاده على كف الحزن حسرات
جـرع مـن قـسـوة الـدنـيـا كـثـر مـاشـال مـيـزانه

[عبد الله العتيبي]

رد: نصوص يتيمة

تدري وش اللي يذبح الـقلب ذكــراك
واذا دعـيـتك رد مـسرع صدى الصوت

وتدري وش الـلي لاذكـرتـك تـمـنـاك
روحٍ مــنـاهـا لــذّة الــخــد والــتـوت

وتــدري انـا كـنـت أتـمـنـانـي ألـقـاك
بسمـة هـنـاء ملامحه تمسح الموت

وتـدري بأني مسـتـحـيل إني أنساك
لو طـال بـعـدك أو بلـع قـربك الـحـوت

وتدري حـبـيـبـي يوم انا كـنـت ويـاك
ماكنت أحسب إن الـعمر يمكن يفوت