الوقت علمني

[بن هليل]

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الوقت علمني وكثر التجاريب=وسايرت وقتي وابتدعت المعاني
وابوك ياهالوقت مافيك تطبيب= وانا حظرت وقافك اللي دعاني
قافاً يشوّقني لروس المراقيب= واكوي به اللي فالضماير كواني
بعض الكلام اقوى من السيف ومصيب= لا شك مايثّر بقلب الهداني
اللي يوّدي فالسواليف ويجيب= وليا هرج ضيّق عليّ المكاني
متسممن قلبه وكله عذاريب= يضحك بوجهي والجوارح تعاني
قلبي دليلي وعرف البس والذيب= والفرق واضح ياسهيل اليماني
احدٍ فزوعه لي حش العراقيب= واحدٍ ليا منه فزع لي شفاني
وين انت ياصقراً قوي المخاليب= وين انت ياعوني وفرحة زماني
عامين غايب ماترد المكاتيب= وانا مسجلها من اقصى المحاني
تعال وانظر في طعون الاصاحيب= تنزف وفاء وخلاص من نوع ثاني
اباتصبر واكمد الجرح ويطيب= هماً بقلبي ساطياً واحتواني
ويكفيني الله عالم السر والغيب= اللي علي نهج الشريعه هداني
[/poem]

[عبد الله العتيبي]

رد: الوقت علمني

وين انت ياصقـراً قـوي المخاليـب=وين انت ياعونـي وفرحـة زمانـي
عاميـن غايـب ماتـرد المكاتـيـب=وانا مسجلها مـن اقصـى المحانـي
تعال وانظر في طعـون الاصاحيـب=تنزف وفاء وخلاص من نـوع ثانـي

الشاعر القدير بن هليل مرحبا الف بعودتك الميمونه يابعدي

انور السامر واسفهل فيك ..

غياب تشفع له هذه الباذخه الشامخه الوارفه

صح لسانك قد تكون تقليدية خلال هذا النص العبق بالجمال والدرر والحكم

أين انت منا كل هذا الزمان .؟؟

امتعت ارواحنا بهذه الماتعه وطوقتنا بجزيل القوافي وديباج المعاني

ننتظرك وننتظر المزيد من هذا البوح منقطع النظير لا تبخل علينا يالغالي

وربي لقد ارويت الذائقة ..

مودتي

[سعيدة بدنيتي]

رد: الوقت علمني

رااائعــة ... ماشاء الله تبارك الرحمن


استمر وفقك الله وحفظك