تدليّت من فرط الحزن كأني العنقود

[عبد الله العتيبي]

تدليّت من فرط الحزن كأني العنقود
>>اللي ثقل والغصن ماعاد يحتمله

اطيح بمسافة عمري التايه المقرود
وتبعثر ليالي همي >الخاطر وشمله

انا كل مادقيت بـ أرض الاماني عود
جنيت الدموع اللي على الخد منهمله

طالت ليالي حزني المبطي المعهود
كأن الالم مخلوق لي خص واحتمله

>>>كل الدروب تودي لعالم المفقود
>والملم بقايا وجه حظي وهم همله

>كأس الغبن فيه الغبن علقم ٍ معقود
>اخذته على جرعات لجروح مندمله

ويصدع ألم نفسي مثل صرخة المولود
>>اللي فتح عينه على احزان محتمله

في غربة ايامي على طاري المجهود
>>كل الشروط اللي له سنين مكتمله

تعديت في درب المواجع دول وحدود
وكم باعني وقتي وانا اشيل بالجمله

[رياح الوفا]

رد: تدليّت من فرط الحزن كأني العنقود

الله يبعد عنك الحزن والضيق

ويكتب لك السعادة الدائمة في الدني والاخرة

وصح لسانك شاعرنا القدير/ عبدالله العتيبي

والله يعطيك العافية على النص الفاخر

كتبت وابدعت ولا يستغرب الإبداع منك

لك شكري وتقديري