تويت
اذا كـتـبت الـشـعــر والله لأكـتـبـه
من قلب ولا ياعـساني مـا كتـبـت
وإن لاعـبونـي بيـن سهـله وأصعـبـه
ألعب بـسهـلٍ مـمـتـنـع لامن لـعــبـت
أكـب كـأس الشعـر وارجـع وأشـربـه
وأنسى بسكرات الـجزالة ما شربت
مــدمـن قصــيـد ولا أصب إلا أعـذبــه
إبيـور والمصـدر أسـاسـي لا رغـبـت
منهـو يقـول أن أعـذب الشعـر أكـذبـه
يكـذب انا بصـدق المـشاعـر ماكذبـت
صـادق وشعـري ماتـذوق إلا أطيـبـه
ولاني بحطب الليل الى مني حـطـبت
نـهـــــر القوافي مـذهـبي مـن مذهـبه
والطرق طـرقي لا طرق لي وأنطربت
خلك معي تـسمع من الوصـف أغربه!
وحـالـة وجــــوه غـايـرة في روج كـبـت
بـعــض الأوادم نصـفه الغــبي أغـلـبه
مايدري اني قبل ما يركب ركـبـت!
عـمري قـضـيـته في خـلاصـة تجـربـة
لـكل سـاقـط لاقـط و كـاهـن وجــبـت!
والأقـنـعـة لــوجـــيـه أصــلاً مُــتعــبـه!
ماعمر قال الزيـف مـن وجـهه كسبت
مـن تلـدغـه عـقـرب يـخــاف الـعـقـربة
والعـافيـة لـو تـذهب بلحـظـة ذهــبـت
واللي كـسر جـذع الكـرب يـبي كربــه!
وأبن الـردي يـطـلع ردي لـو فيـه طبـت
والثـعـلـبـي رأســه لـمـوس الـثعـلـبـة!
والأطلـسـي دفـعـه رباعي لا نـشـبـت
ســافـر مــع الطـيـب وكـوبـان إحجـبـه
أركـب مـع الـمـطــنـوخ الى مـنـك ركبــت
التـبـر مــا يخـفـيـة شـــكــل الأتـربــة
الاصـــل ثابـت والثـمـن بــه لا طلـبـت
تسلم أيادي Hamsn
تعليق