تويت
وصف المزيون
[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/82.gif" border="solid,4,gray" type=0 line=0 align=center use=ex num="0,black""]ياربنا ياخالـق النـاس مـن طيـن=ياخالـق الدنيـا ورافــع سمـاهـا
أنت الغني وجعلت خلقـك مساكيـن=وجعلت بعض النـاس زايـد حلاهـا
قلبي تولع وأصبح الشـوق شوقيـن=للـي علـى روحـي توكـل ولاهـا
بأوصفك يالمزيون وصفٍ عن العين=اللـي تلاقـي فـي فراقـك عناهـا
مهما وصفت الزين وصفي ترى شين=كل الوصـوف اللـي ببالـي ملاهـا
الوجه نور البدر والنـاس ممسيـن=والعيـن عيـنٍ للمهـا فـي رباهـا
جبينـهـا مـيـرايـةٍ للمحـبـيـن=سبحان من خلـى شعاعـه سطاهـا
والاّ الحواجب مثل نـونٍ وقوسيـن=واهدابهـا ريـش الحمـام أكتساهـا
وخدها وردٍ مـن أحلـى البساتيـن=نرجس وعنـدم والله اللـي حماهـا
نظراتهـا سهـمٍ وسحـرٍ وسكيـن=والسهم يرمـي كـل عيـنٍ تراهـا
والفـم خاتـم شفتـه دوم تشفيـن=والخشم مثل السيـف ربـي عطاهـا
حديثهـا زجـل الحمـام المغنـيـن=بسماتهـا بـرقٍ يـشـع بسنـاهـا
وريحهـا عنبـر وعـود ورياحيـن=وريح الخزامـا فايـحٍ مـن شذاهـا
والشعر ليـلٍ منتثـر فـوق متنيـن=والجيد جيد الضبـي نـوره غشاهـا
سبحان من كمْلْك يـا كامـل الزيـن=وبجنبـك العالـم خفـظ مستـواهـا
قلبـي يقـول إنـك بقلبـك تناديـن=قلوبنـا تحكـي وحـن مـا نراهـا
يقـول قلبـك إنـك اليـوم تشكيـن=عطشانةٍ روحك ومـا أحـدٍ سقاهـا
وأقول يا عمري وش اللـي تريديـن=روحك وداعة جعـل روحـي فداهـا
أرمي شباكـك لـو تحبيـن ترميـن=صيدي بهـا روحـي قبـل منتهاهـا
وإن جا لروحـي بيـع لا لاتبيعيـن=لا تسمحين لكل مـن جـاء شراهـا
يومٍ مـن الفرقـى يشابـه لحوليـن=وأخاف يعمـي العيـن زايـد بكاهـا
نار الهوى والشوق بالقلـب ناريـن=مسكين مـن عـدى ولاقـى لظاهـا
سبحان من جمع على الحـب قلبيـن=وقلوبنـا مـا أحـدٍ يفـرق قواهـا
عسى السعادة دهر وأيـام وسنيـن=وعسى ليالي الشر تطـوي رشاهـا [/POEM]
الـشـامــخ
تعليق