تويت
أصبح الشعر سلعة للمساومة
في قنوات طغى فيها الغث على السمين
تفاعل مع ما رايت وسمعت
عسى أن يكون مقنعاً
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إن كان ما يعجبك شعري فلا تلقي له البال= تناس كل الكلام وروح دور عن بديله
أنا ترى عازفٍ من خلقتي عن قيل والقال= والهرج في منهجي يغني عن الكثره قليله
الهرج مثل الذهب يوزن مع العاقل بمثقال =وكلمتي ما اعرف انطقها إذا ما هي ثقيله
يا شين طبع الذي يهذي بما يطري على البال=الكلمه يقولها لو ما توصل للجميله
يقلون من لا يقدر هرجته خاين ومحتال= والكلمه اللي يصدِّرها تجي دايم هزيله
والشعر ما هو مجرد شيله بحدري وموال = ولا بترديد كلمة شاعر وما فيك حيله
ولا بشاعر بلا عرف ويجي للشعر قتال= يهذي بشعر هزيل وترفعه نعرة قبيله
مره يجيبه يمين ومرةٍ يحذف به شمال=ما يحتوي منطقه إلا المذله والخجيله
في ما مضى يا بديوي كنت بالأشعار تختال = تحمل رساله ويتجلى كلامك بالفضيله
وإذا تأملت في شعر المثايل عبر الأجيال= أقول يا رب بن لعبون ترحم لي رعيله
والشعر جسد مواقف مثل شعرك يا ابن هذال = اللي يثير الحماس وينقله جيلٍ لجيله
وإلا كما خالد اللي صار شعره مضرب أمثال = اللي بالأشعار فل ولم محفوظ الحصيله
وإلا رشيد الزلامي يوم قال ونعم ما قال = في مجمل القول برقٍ صد عنا ما نخيله
واليوم يا شعر صارت سيرتك يرثى لها الحال = لا وزن لا قافيه لا فكر وبيوتك عليله
استرخصوك البشر واصبحت سلعه بيد جهال = في سوق هابط يسوقونك حشف وبسو كيله
والله ما قيمِّك يا شعر برساله بجوال = ولا يقيمك من ياخذك لاهدافه وسيله
يقيمك من يخلي للمعاني ريف وظلال = الشاعر العاقل اللي يعطي المعنى دليله
ويقيمك من يحقق للقصايد قدر وإجلال =واللي يكسر بيوت الشعر ما يخلى سبيله
أنا أنظم الشعر واصونه وأنا من قوم عقال = وارعاه مثل المزارع يوم يزرع له فسيله
يعتادها بالرعايه لين تأخذ خير منزال = وإذا أكتمل طلعها يعدها خيرة نخيله
يا شعر لا تكترث لا زال لك بالقلب مدهال = أهواك يا شعر وأقدر معانيك الجليله [/poem]
أخوكم
سعيد الغامدي
تعليق