دنيا الغلا

[سعيد الغامدي]

كم سافر أحبابٍ وكم عاود أحباب
لكن قلبي من سأل عن غيابه

القلب في دنيا الغلا شرع الباب
وأثره فتح باب الغرام لعذابه

أهدى محبينه من الود جلباب
وأهدوه سطوة هجرهم واغترابه

ما فاد منهم غير شرهات وعتاب
وهو يجاملهم وينسى عتابه

يلم همه لاجل يرتاح بكتاب
ومن كبر جرحه شال هم الكتابه

نبض الوله في داخل القلب وثاب
والصدر تتعاوى بجوفه ذيابه

الجرح غاير والرجا بالشفا غاب
ماله دوى وهو عطيبٍ صوابه

شوقه سبب بلواه والجرح ما طاب
الحظ ضده والأمل صك بابه

قلب الهواوي من هقاويه مرتاب
ونفسه تعاني من عزوف وكأبه

ودمعه يشابه أبيض الشمع لا ذاب
والهم من كل الجهات التوى به

لا سج فكره تلفي افكاره أسراب
ويبقى يطارد في وهجهم سرابه

من قال راع الحب مرتاح كذاب
ما دام جرحه كل شخصٍ درى به

يعلن أساه بعضة إبهام بالناب
لا صار طرفه يسمر الليل نابه

إذا ضحك قالوا له الناس لعاب
ولو بكى قالوا غرامه غدى به

ذا قلبي اللي صار مثقل بالاتعاب
كنه غريب وعايشٍ وسط غابه

أصبح وحيد وعايفٍ كل الأصحاب
وعشقه اللي عاش به اكتوى به

أخوكم

سعيد الغامدي

[نوفل]

رد: دنيا الغلا

السلام عليكم

ما أبدعه من كلام أيها الشاعر المبدع

تحياتي واحتراماتي لك