تويت
لا
تسأليني
كيف
نبرات
الإحساس
؟؟؟
حطي
على
قلبك
يدك
واساليني
؟؟
لا تسأليني كيف نبرات الاحساس
حطي على قلبك يدك واسأليني
لا صار في قلبك مثل حد الأمواس
هاذيك نبراته ولا تنشديني
أنا أعرف إن العرق للعشق دساس
وأنا أدري إنك يا الغلا تذكريني
على الوعد باذني يدقن الأجراس
ولأجل اللقاء باقطع عجاج السنيني
لو يختلف وعدك ترى الوضع ينحاس
وأبقى احسب ليه ومتى تجيني؟
لا تخلفين الوعد والناس للناس
وأرجوك بعد اليوم لا تتركيني
لو تنفثين بوجهتي عطر الأنفاس
كل الجهات تفوح عطر ٍ ثميني
لا عطر باريسي ولا عطر تكساس
تشبه نفسِّك اللي يبرد حنيني
حتى الثرى اللي تحت رجليك ينداس
يصبح لبورصات الجواهر وزيني
مع وقع خطواتك يميلن الأغراس
ومن ورد وجناتك حياها يبيني
وإذا لفيتيني أقول ألف لا باس
وعلى منابر شوقك استقبليني
لاجل الشعر حطيت مرسم وكراس
أحيي بها ماض الغرام الدفيني
شعر ٍ كتبته في معاليك نبراس
حبره من أغلى عرق عرق الوتيني
تطوين قلبي بالهوى طي قرطاس
وبيديك نفحات الغلا تحتويني
ترى الفراق يثير وحشه وهوجاس
أرجوك من لقياك لا تحرميني
لا صار نبض القلب باليد ينقاس
فهاذيك نبرات الوله والأنيني
هذا الجواب وجاك علمي من الراس
وإن كان دون المستوى فاعذريني
تقبلوا صدق التحية
سعيد الغامدي
تعليق