انا مين!!

[عبد الله العتيبي]

ودي اسافر بس مدري على وين !
أهم شيء إني أبدل مكاني
|"|
ابي دروبي ماعليها عناوين.؟!!
ماغير انا وانتَ وذيك الأماني
|"|
ياعين ابوي الحال من بعدُكم شين
في زحمة احوال الزمن هان شاني.؟!!
|"|
يسرح بي التفكير من حين لا حين
وتمطرني الذكرى قصيد وأغاني
|"|
أحيان اسولف في قصيدي عن العين
وأحيان عيني من قصيدي تعاني.؟!!
|"|
ودي اضمك بين قلبي من البين
وبين الحنان اللي بعينك دعاني.؟
|"|

محتاج لك مثل الجسد للشرايين
ومحتاج لك مثل الفرح للتهاني.؟!!
|"|
احياك فعلاً رغم الأيام عامين .!!
وانا أتنفس من حنانك حناني
|"|

حبك خذاني من حياتي وانا مين!!
ماعرف نفسي قبل حبك خذاني
|"|
ودي انا وانتَ بهالكون غادين.
ونعيش في عالم انا وانت ثاني.؟!!