لعنبو هالقلب أتعبني ما عمره جلس معاي

[التميمي]

إحدى القصائد كتبتها بعد أن آرادت السفر من ملكت القلب
بيوم من ايام الاسبوع وهو يوم السبت لإمر طارئ

وأتمنى ان تحوز على رضاكم :

القصيده :-

سافرت يوم السبت وسافر القلب معاها ’
لعنبو هالقلب أتعبني ما عمره جلس معاي ’’


كأن هـالقلب مخلوق لـها بس لحالهـا ’
وأنا بليا قلب عايش غصب مو برضـاي ’’


غابت ولا أدري وين أرضها من سماهـا ’
غابت وأتركتني آهات من أعلاي لأقصاي ’’


أحبها موت وأعشقها ومجنون بهواهـا ’
وشـ لون ما أنجن وهي ملكت كل سماي ’’


يا محلا جلسة معها في مساها وصباحهـا ’
ويا محلا مصافحة يمناهـا ياعالم بيمنـاي ’’


سافرت للدمام لأجل تزين وتعطر هواها ’
وتركت الرياض وتعكر هواها وهـواي ’’


شكيت للناس وقالوا هـ الرهام يا هناها ’
قلت أتركوهـا تراهـا هي علتي ودواي ’’

أفـز من مكاني لاجـاب أحد طرياهـا ’
وأقول حدودكم تراهـا كل حبي ومناي ’’


يارب تردهـا بالسلامه وتفرحني بلقاهـا ’
ترى شوفتهـا تنسيني كل همي وشقـاي ’’


يحفظهـا ربي من كل شر ويسدد خطاهـا ’
ويطول لي بعمرهـا ويارب لك رجـاي ’’



وسلامتكم ’’