خواطر عاشق محترم

[راكان العووووود]

السلام عليكم ورحمة الله

هذي اول مشاركة فعلية لي في هالمنتدى

وحقيقة هي من اول مشاركاتي في عالم المنتديات

اخترت انها تكون ابيات مقتطفه من بعض قصايدي

او ابيات وحيده كنت كتبتها ولا كملت عليها

واتشرف انكم تقرونها

وتنــــــــــــقدونها

وتناقشونها

واحب اعرف وش اكثر ما اعجبكم فيها

وبالمقابل وش اكثر شئ تحسون انه دون المستوى

وعلى بركة الله ابدا

0000000000000000

لا صرت تسالني وتعيد بكلامك
ياليت تدري عن شعوري حواليك

ارضى ويرضى خافقي في غرامك
وازعل لوانه ما يحبك ويغليك

طبعا هالابيات جواب عن سؤال يتكرر على الشاعر كثيرا من محبوبته ، حاصله : متى ترضى ومتى تزعل ؟

000000000000000

شوفو معي الشاعر هنا وش يقول
وشوفو التشبيه اتمنى يعجبكم

غلــّــفت قلبي وسط الاشواق تغليف
يومــن شفته يكره البعد عنــّــك

0000000000000000

وهذي ابيات اخترتها لكم من قصيده
وهذي بدايتها

تدري سموك ما على الحظ مشراااه
ولا عليه من العتب والملامه

الشاعر هنا يبين ان الحظ ماهوبيده ابدا
الى ان يقول الشاعر الحزين

قربت لي في مجلس الهم مركاه
وايــّــا معاميلن عليها علامه

الله يعين هالشاعر على هالحب الحزين

000000000000000

شوفو هالبيت
طبعا هو بيت يتيم وما كملته
لاعتقادي انه يكفي عن قصيده

لبــّــا العيون اللي مغطات باهداب
مثل الرماح .. اطعونها يحتونــّــي

00000000000000

شوفو احساس كل ما هوحول الشاعر بمحبوبة هالشاعر

الارض تعشق خط رجلك وماطاك
والغيم في جو السما يفتخر فيك

اقوووول : لو شاعرنا يحب كلوديا شيفر اجل وش بيكتب ههههههههه

000000000

شوفو الشاعر وشيقول لحبيبته هنا

خذ ما تبي واحكم على ما تمنيت
تامر وتنهي بالحروف الصريحه

لا طاوعك قلبك ولا منك اقفيت
اذكر عهودك والقلوب الجريحه

عزالله ان الحب بلوى

000000000000000

ذاك اليوم كنت اتفرج على قناة الساحة
لقيت نك واحد كاتب
سويت قرعه بين الحب والفرقى
قمت استعرت هالكلمه ونظمتها بقصيدة
يعني سرقه
بس محترمه
اقول فيها

حطيت قرعه بي حبك وفرقاك
عيــّــت عليــّــه واثبتت في وصالك

مدري غشاها صوت حســّــك وطرياك
والا تراها بينك انت و وصالك

في كل حالة عيــّــت النفس تنساك
تزعل وانا ازعل والنهاية ترا لك

شفتو ان الحب يمصع قلوب البعارين

000000000000000
خاتمة المطاف

وش عاد باقي يا غلا النفس والروح
يوم ان قلبي منقسم فيك نصين

صبيت دمي فوق دمك وانا افوح
واغلي غرام مكحــّــل الرمش والعين

في دلتن وابهارها السر والبووح
مكنونها من وسط هاك الظلاعين

تدري احبك والهوى فيك ممدوح
من قبل اشوفك وامس واليوم والحين

وهنااااااااااا
اطرح عليكم هالسؤال
هل شاعرنا نصااااب ؟؟
شلون يحبها قبل يشوفها ؟؟
انتظر مشاركاتكم وتقييمكم لي
وانا والله داري
من نزلت ابياتي انها خلاص بتسرق
لكني نزلتها بناء على وعد وعدته لاخ عزيز وغالي
و وعد الحر دين
وشاااااااااكر لكم متابعتكم وسعة صدوركم لي
محبكم : راكان العووووود

[مرهفة آلاحساس]

رد: خواطر عاشق محترم

اخ ركـان ؛؛

[راكان العووووود]

رد: خواطر عاشق محترم

الله يسلمك اخت مرهفه ومشكووووورةعلى مجرد قراءة الموضوع

[charmy]

رد: خواطر عاشق محترم

لبــّــا العيون اللي مغطات باهداب
مثل الرماح .. اطعونها يحتونــّــي

ـــــــــــــــــــــــــــــــ
مدري غشاها صوت حســّــك وطرياك
والا تراها بينك انت و وصالك

في كل حالة عيــّــت النفس تنساك
تزعل وانا ازعل والنهاية ترا لك

ـــــــــــــــــــــــــــــــــــــــــــ
وش عاد باقي يا غلا النفس والروح
يوم ان قلبي منقسم فيك نصين

صبيت دمي فوق دمك وانا افوح
واغلي غرام مكحــّــل الرمش والعين

في دلتن وابهارها السر والبووح
مكنونها من وسط هاك الظلاعين

تدري احبك والهوى فيك ممدوح
من قبل اشوفك وامس واليوم والحين
~~~~~~~~
رااكااان العود،،
صح لساانك ولافض فوك،،
الأبيات نلمسبها صدق و احساس،،
وتنبأ بشااعر متمكن :)
بالنسبة للأسئلة ؟؟
ان جيت للحق بعض للشعراء جولات و صولات،،
البعض منهم يملك الحس و الفصاحه ( من دون صدق)
و البعض يملك الحس و الصدق(من دون فصاحه و تمكن)
و القليل من يملك الجيمع صدق و احساس و فصاحه
لذى ممكن يكون هنالك حب على السمع و الطارى من دون ما يشووف المحبوب يكون حب اروح متعلقة الروح بالروح،،
وسلامتك
لوتكتب اسمك الصريح تحفظ حقوقك في كتاباتك حتى لو نقلت ،،
كل الشكر
ننتظر جديدك المميز،،
لا عدمناك

[روق المنقا]

رد: خواطر عاشق محترم

الابيات فوق اي تعليق راااااااااااااا ئع رااااااااااااائع اخي راكان واكثر من رائع
ومشكور انك نزلت هالابيات ومشكورعلى اسلوبك المميز اسلوبك في الطرح خياااااااااال الله لايحرمني منك
الجواب على سؤالك ممكن لان الحب مو اساسه معرفه المحبوب مثل ما قالت شارمي على الطاري

[رياح الوفا]

رد: خواطر عاشق محترم

صح لسانك اخوي راكان العوووود

ابياتك كلها جميلة ورائعة وانت شاعر متمكن وهذا هو الواضح من ابياتك

بالنسبة للسرقة تأكد انه ما يصح إلا الصحيح ومهما تناقلوها الناس في النهاية ترجع لصاحبه الحقيقي

اتمنى لك التوفيق اخوي راكان ولا تحرمنا من جديدك

لك شكري وتقديري

[εïзأنسان غريبεïз]

رد: خواطر عاشق محترم

راكاااان العوووود

يعطيك العافية

ونتظر جديدك

وتقبلي مروري

..... ....

[راكان العووووود]

رد: خواطر عاشق محترم

السلام عليكم ورحمة الله وبركاته

بداية .. اشكر كل من قرا الموضوع

وكل من تجاوب معي

واقول الله يخليكم لي والله لا يحرمني منكم


00000000

وعلى بركة الله نبدا يالتعليق :

اولا : charmy

والله يا اخي العزيز اني اعجبتني الابيات اكثر لمن انت نسقتها باسلوبك

يعني سبحان الله ابياتي منك صار لها حلا وطعم

ومهما شكرتك مراح اوفيك حقك اخوي

واعجبني تعليقك حول الاحساس والصدق والتعبير

فعلا لا مزيد عليه

وبالنسبة للسؤال

كانت اجابتك موفقه وسديده

وفعلا حصلت في البادية سوالف من هالقبيل

عشق بس بمجرد السماع عن اوصاف واخلاق الطرف المقابل

طبعا انا لي هدف من السؤال

ابي الفت انظار حضراتكم

الى ان ان الشعر ماهو مجرد كلمات حشو متراصه لملئ الفراغات واكمال القافيه

بالعكس .. الشاعر الحقيقي هواللي يفكر بكل كلمه يكتبها

ويوزنها عدل

وهذا هوالسر في تالق قصايد كبار الشعراء

وبالنسبة لكتابة الاسم الصريح

صعبه اخوي

لاني والله استحي من هالشئ

وللعلم

والله اقرب الناس من حولي مايدرون اني اكتب شعر

توافقني اخوي او تعارضني ..هذا موضوع اخر

سعدت بتعليقك اخوي وبارك الله فيك ولا تحرمنا من تواصلك يالغالي


000000000000

ثانيا : توبه منك يا دنيا :

والله يا توبه اخجلتيني باطرائك

وجهي صااااااااااااار احمر

والحين لبست جلال امي حق الصلاه وتغطيت

وطلعت عين وحده وانا قدام اللاب توب

<< == مقطع الحيا هالاخ

وتسلمين على كل حرف كتبتيه اختي

وتاكدي ان اقدر كل حرف والله تقدير كبير

اشكر لك لطفك معي وادبك وتكرمك بقراءت كتاباتي

ومجرد متابعتك لها فخر كبير لي اختي

والله لا يحرمني من ذوقك يارب

وعيدك مبارك

<< == صدق استحى وضيع معاد يدري وش يقول

وبالنسبة للسؤال

فكانت اجابتك موفقه بالضبط

طبعا حطيت السؤال لان توقعت ان في احد بيقرا القصيده وبيقول والله ان هالشاعر نصاب

فحبيت ان الجواب يكون قدامه وانه يعرف ان هالشاعر عارف وش قاعد يكتب بالضبط

وانها عباره عن احاسيس صادقه ما يحس فيها الا من يملك احاسيس صادقه

كل الشكر لك اختي ولا عدمناك

0000000000000



رياح الوفاا :

والله مدري وش اعلق اواقول

طبعا انتي المشرفه

والمفروض الحين اسوي فيك معلقه

واضبط العلاقات معاك عشان مواضيعي

ههههههههههههههههههههه

لكن اقول لك

والله مجرد اهتمامك وقراءتك لموضوعي

وهو موضوع عااابر بين عشرات المواضيع

اعتبره شرف لي

فالله يارب يشرف مقدارك مثل ما شرفتيني بتعليقك ومرورك

قولي امين


00000000000000000

انسان غريب :

اشكر لك مرورك يالغالي

واسعدني تواجدك معي بالموضوع

والحمدلله ان موضوعي جذبك

خلاص محد قدي اليوم
ههههههههههههههههههههههههه

0000000000000

كل الشكر لكل من قرا الموضوع

ودام السالفه شكر في شكر

احب من هالمنبر

ومن هذا المقام

اشكر زوجتي

زوجة المستقبل

اللي ما اعرفها ولا ادري عنها شئ

ولا ادري من تكون

واقول لها تقبل الله طاعتك

وتسلمين عالفطور الطيب

وانتبهي عالاولاد

وفالك البيرق يارب

000000000000000000

محبكم واخوكم : راكان العووووود

[مساعد راشد]

رد: خواطر عاشق محترم

راكاااان العوووود

يعطيك العافية

ونتظر جديدك

وتقبلي مروري

..... ....

صح لسانك اخي راكان ..

وحسب رؤيتي المحدودة انا امام شاعر كبير .. جمع الشعر (والذكاء) ويمكن ان اضيف شيء من الخبرة

ما ادري وجهة نظر تحتمل الخطأ او الصواب

وعن التناقض ما اشوف فيه تناقض بالابيات :

لكن ارى التناقض اذا ما فهمت خطأ هنا :
(هذي اول مشاركة فعلية لي في هالمنتدى

وحقيقة هي من اول مشاركاتي في عالم المنتديات)

(وانا والله داري
من نزلت ابياتي انها خلاص بتسرق)

شكر لك اخي راكان واستفدت منك كثيرا .. واضفت لي شيء جديد .. وتفتحت مداركي على اشياء لم ادركها من قبل ..

ارجو تقبل ما كتبت .. لك كل الود والاحترام .

[روق المنقا]

رد: خواطر عاشق محترم

اخوي راكان العووووود قلت لك انت شااااااااااااااعر بكل ما تحمله الكلمه من معنى فانا ارى لك مستقبل في الشعر ولا تحرمنا من ابياتك وننتظر قصائدك ====ناشبه بحلقك هناك وهنا هههههههه ما احد قالك توعدني ههههه اتمنى ما اكون ثقلت عليك وانتظرك في شاعر المليون

[ابوحنان الشمري]

رد: خواطر عاشق محترم

راكان العووووود
،،
صح لسانك
و
يسلم بنانك
و
اعتلا شانك
,,
دمت بخير وعافية
و
تقبل الله منا ومنكم الصيام والقيام وصالح العمل

[راكان العووووود]

رد: خواطر عاشق محترم

السلام عليكم ورحمة الله وبركاته


مساعد راشد :


شرفني مرورك على موضوعي واسعدني جدا تفاعلك معي اخي الكريم

وانا والله اجد نفسي اقل من عباراتك واطرائك اخي الكريم

ويكفيني اقول لك اني اقدر لك تواضعك معي واسلوبك ولباقتك

واتشرف ان كلماتي لامست احاسيسك

واثمرت عن تعليقك عليها

والحين صراحه راسي كبر
ههههههههههههههههههههههههه

0000000000

توبة منك يا دنيا :

اخت عزيزة وغاليه وتمونــيــن على الروح

واسعدني تشجيعك لي

اما عاد شاعر المليون مره وحده
ههههههههههههههههههههه

قولي الشاعر المزيون يمكن
اما المليون صعبه
ههههههههههههههههههههههههههههه


اسعدني تواصلك اختي ويشرفني قراءتك لمواضيعي (هوكله موضوع واحد بس) واهتمامك بالتعليق عليها


مساعد + توبة ..
الله يخليكم لي ولا يحرمني من ذوقكم يارب

قولو امين يارب

00000000000

اخوي الغالي مساعد

بهالمنتدى هذي اول مشاركه بموضوع

يعني هذا اول موضوع اطرحه

اما الردود فسبق رديت على موضوع مسبق بس

هذا كل ماعندي بهالمنتدى

اما بالنسبة لعالم النت

سبق سجلت بمنتدى قديم

لكني ما تاقلمت مع المنتديات

اتمنى تكون الصورة واضحه

وتقبل تحيات واحترام اخوك الصغير

راكان العووووود

[راكان العووووود]

رد: خواطر عاشق محترم

اخوي الغالي ابوحنان الشمري .. منك نتعلم ومنك نستفيد .. وقراءت انسان مثلك لموضوعي اعتبره مكسب كبير لي ..
فالله يخليك لي ولا يحرمني منك .. قل امين
وتقبل الله طاعتك وكل عام وانت بخير يالغالي

[الصارم]

رد: خواطر عاشق محترم

أخوي راكان العووود

أولاً صح السااانك ابيات رائعة
بروعة حظوركـ،....ولافض فوكـ،


ثانياً بكل حق قراءة ماكتبت وسطرت
تجولت بين بيتٍ وأخر فوجد الابداع
بين سطوركـ، من اول بيت
حتى اخر بيت سُطر

كم أبدعت بطرحكـ،
وارجع واقول
صح السااانك
عدد بلا مدد

وننتظر جديدكـ،
تقبل مروري
المتواضع


الصارم

[راكان العووووود]

رد: خواطر عاشق محترم

هلا وغلا والله اخوي الصارم

نورت والله

وفرحت بتعليقك يالغالي

واقول الله يجزاك خير ع الاطراء واللباقه

وانا والله اللي لي الشرف بقراءتك ومرورك على موضوعي يالغالي

والله لا يحرمنا منك