تويت
(( ســراب الوقــت ))
[poem=font=",6,white,bold,normal" bkcolor="darkred" bkimage="" border="double,4,limegreen" type=2 line=0 align=center use=ex num="0,black""]
أضحك وناسه وإخفي احزان وهموم=واطرد سراب الوقت بالليل الاظلم
وازرع ثرى الاوجاع جوري ويشموم=وابني صروح الخير والغير يهدم
واسري بقاعٍ شالت الفرس والروم=واكتب على التاريخ ذكراه وانظم
قافٍ تعلّى وإعتلى عالي الحوم=يكشف هروج الزيف والفكر يرسم
صورة حكاية واقع الأمس واليوم=مقطع من الواقع إذا كنت تعلم
قصايدٍ يغرق بها جاهل العوم=يحتار بالشاطي وانا اغوص للجم
كانه على الموجه وماحولهادوم=بنات فكري ورِّدن قاعة اليم
ماكل من رام المشاريف زيزوم=ولاكل من عدّا على الحيد يسلم
وماكل من طالت لياليه مرحوم=ولاكل من يشرب من السم ينسم
ماكل من يذرف من الدمع مهموم=وماكل من يضحك بعيدٍ عن الهم
كان المراجل تشترى تقبل السوم=لاآآكون انا اول من شراها وساوم
واصبح ردي الناس قرمٍ وشغموم=وامسى عقيد القوم يبكي ويلطم
وتبقى الصراحه بيننا غير مفهوم=والجو غايم والسما دوم معتم
هذا الزمن في حكمة الرب محكوم=والعدل له يومٍ يجي له يتمَّم
ماقدّر الوالي على العبد محتوم=وماراد رب الكون لازم محتَّم[/poem]
وسلااااامتكم،،
تسلم أيادي Hamsn
تعليق