تويت
( اوجه هذه القصيده مع حبي وتقديري للشاعرة مهابه)
وش علاج الجرح ردي يا مهابه
لا سكن من شدته وسط الضمير
كم سؤال (ن) ماعرفنا له إجابه
وكم قلب ن من شقى وقته آسير
شفت ناس (ن) في زمنا ذا تشابه
ما تقدر لا صغير ولا كبير
الكذوب الكل يمشي فر رحابه
والصدوق بها الزمن مثل الضرير
والفقير بعينهم مثل الذبابه
ليش؟لن الناس ما تهوى الفقير
المظاهر غطت الدنيا بصلابه
ومن عجبنا مظهره قلنا امير
صار وسط عيوننا مثل الضبابه
لا نشاور غيرنا ولا نستخير
آه من جرح سطى فيني صوابه
يوم افكر في زمنا والمصير
صار فيني من قسى وقتي كآبه
وصرت اون من القهر مثل الكسير
هم(ن) بقلب سكن ما حد درابه
اشتكي لك يا سميع ويا بصير
ارحم القلب المعنى من عذابه
وبدل دروب الشقى يارب خير
تعليق