تويت
(( صـــــــوت ))
[poem=font=",6,white,bold,normal" bkcolor="black" bkimage="" border="solid,4," type=2 line=0 align=center use=ex num="0,black""]
بديت صافي بنات الفكر بسم الله=ومن لابدى به ترى مبتور ماقاله
يقول منهو يحيك القاف ويفلّه=من غيهب الفكر ويغنيه بامثاله
سبّاح لجّة بحورٍ شاربٍ زلّه=ومساير الوقت في رمضاه وظلاله
أحيك طرز النواظم باجمل الحلَّه=وماللثقيله سوى سنعوس حمّاله
واللي عقد روسها ماغيره يحلَّه=دام الفرس ماتبي ياكود خيَّاله
نظمت مدحٍ كفيفٍ يبصر الهِلَّه=تعمي حروفه بخيلٍ حارمٍ حاله
إيوالله أمدح عويد وانت قدٍّ له=ياراعي الطيب والطولات والقاله
ياكن يمناك بنٍ فاح بالدلَّه=يرقى مقامك هل الامجاد ولحاله
بن اليمن لادنى من حامي الملَّه=ماكنَّه إلاّ على المحماسه لحاله
كيفٍ ليا فاح ريحه تجلي العلّه=وش عاد ياهيه لامن ذقت فنجاله
يوم أشعل النار في مقْدم ضيوفٍ له=.بظلال رفّة مخومس سايحٍ باله
في راس طخموس كل الناس تندلّه=متورِّث الطيب من عمَّه ومن خاله
شغموم ربعه وطيبه كلَّه جْبلَّه=سليل قومٍ شهادة قولي أفعاله
يوم اللقا بالقنا وسيوفٍ مْسِلّه=.سترٍ على العاني وشرٍّ على العاله
[/poem]
أبوحنان الشمري
==================================(( صــــــدى ))
[poem=font=",6,black,normal,normal" bkcolor="white" bkimage="" border="solid,4," type=2 line=0 align=center use=ex num="0,black""]
باسم الذي كل خلقه دومٍ تجلّه=الواحد اللي جميع الخلق تلجاله
والعبد مابيده امعزّه ولاذلّه=بيد الذي يعلم الذرّه ومثقاله
والقاف جاني وشد القلب واحتلّه=ورديت قافي على قافك وموّاله
يامجزل القاف ماتلقى به الزلّه=من روس قوم تجيب العلم وتناله
يامن نخاه الخوي يشتاش ويشلّه=مواقف الطيب تشهد له وبفْعاله
ياعزوتي لو قصيدي ينحسب كلّه=في مدحكم تاقف الابيات مهتاله
وكان القوافي تجيك اليوم مختلّه=المعذره ياعزيزي جات بعجاله
ومثلك مقامه كبير وغالي الطلّه=يابو حنان افخر بخطك ومرساله
وبالبيت تشريفكم يالقرم ماملّه=وافرح اليامن لفتني ارقام جواله
ومجالس اهل الوفا تشريف ومدلّه=ومادمت قدام عين عويدٍ داله
اتوق انا لشوفتك بالحيل لك الله=يابو حنان الخوي ننشد عن احواله
والناس فيها الحكيم وفيه منحلّه=وخوة عزيز النفس شرواك حي فاله
والارض جردا ويجيها المزن ويبلّه=والشمري من الطناخه ميّل عقاله
وصلو على اللي دعانا لافضل الملّه=نبينا اللي نعيش بعزّت افضاله
[/poem]
أبومحمد
عويد المغيليث
وسلامة أذواقكم
تعليق